new tai | old tai | 中文

ᦅᧄ ᦔᧃ ᦠᦱ ᦺᦓ ᦒᧄ

作者: 时间:2020-12-25 10:01:01

(ᦅᧄ ᦏᦱᧄ) 

ᦋᦻ ᦵᦠᧀᧈ ᦋᦻ ᦍᦱᧄ ᦵᦙᦲᧈ ᦶᦂᧁᧉ ᦗᦲᧈ ᦵᦋᦲᧉ ᦡᦲ ᦀᦸᧅᧈ ᦵᦣᦲᧃ ᦙᦱ,ᦋᦻ ᦅᦸᧉ ᦙᦱ ᦠᧃ ᦶᦙᧁ ᦟᦻ ᦷᦜᧂ ᦀᦱᧂᧉ ᦗᦱ ᦵᦎᧀ ᦉᦸᧃ ᦷᦟᧅ, ᦙᦱ ᦠᧃ ᦗᦸᧈ ᦞᦸᧅ ᦓᦾᧉ ᦃᧆ ᦷᦖᧂ ᦀᧁ ᦔᦱ,ᦙᦱ ᦠᧃ ᦶᦙᧂ ᦡᦱ ᦃᦹᧃᧉ ᦓᦸᧃ ᦅᦸᧃ ᦇᧄ ᦺᦃᧈ,ᦙᦱ ᦠᧃ ᦐᦴ ᦺᦐᧈ ᦃᦹᧃᧉ ᦑᦱᧂᧉ ᦺᦣᧈ ᦺᦗ ᦀᦸ,ᦙᦱ ᦠᧃ ᦝᦱᧃ ᦗᦴᧉ ᦃᧁᧉ ᦃᦸ ᦣᦸᦰ ᦺᦣᧈ,ᦙᦱ ᦠᧃ ᦺᦂᧈ ᦵᦏᦲᧃᧈ ᦣᦴᧉ ᦀᦱᧂᧉ ᦔᦳᧅᧈ ᦃᧁᧉ ᦂᧇ ᦷᦏᧈ ᦑᦹᧂ ᦇᦱ,ᦙᦱ ᦠᧃ ᦔᦴ ᦷᦜᧂ ᦃᧃ ᦎᦸᧇᧈ ᦒᧄ ᦘᦰ ᦈᧁᧉ,ᦙᦱ ᦠᧃ ᦇᦴ ᦅᦱᧇ ᦵᦃᧆᧈ ᦓᦲᦰ ᦺᦔ ᦵᦊᧆᧈ ᦑᦲᧈ ᦅᦸᧂᦰ,ᦘᦰ ᦎᦲ ᦂᦸᧂ ᦠᦱᧅ ᦶᦓᧃᧈ ᦑᦲᧈ ᦠᦳᧂᧉ,᧔ ᦶᦈᧂᧈ ᦆᦳᧄᧉ ᦓᦲᦰ ᦙᦲ ᦠᦳᧂ ᧔ ᦷᦎ,ᦙᦱ ᦠᧃ ᦔᦱ ᦡᦳᧅ ᦎᧄ ᦃᧁᧉ,ᦔᦱ ᦗᧁᧉ ᦟᦳᧂ ᦆᦳᧃ ᦶᦙᧂ ᦙᦳᧃ ᦺᦟᧈ ᦺᦂᧈ。

(ᦅᧄ ᦶᦂᧉ)

 ᦓᦱᧂ ᦵᦠᧀᧈ ᦓᦱᧂ ᦁᧃ ᦞᦱᧈ ᦶᦙᧁ ᦟᦻ ᦷᦜᧂ ᦀᦱᧂᧉ ᦗᦱ ᦵᦎᧀ ᦉᦸᧃ ᦷᦟᧅ ᦓᧃᧉ ᦓᦱ,ᦠᦱᧅ ᦔᦲᧃ ᦒᧄ ᦢᦲᦰ ᦎ ᦂ ᦑᧂ ᧓ ᧞; ᦗᦸᧈ ᦞᦸᧅ ᦓᦾᧉ ᦃᧆ ᦷᦖᧅ ᦀᧁ ᦔᦱ ᦓᦲᦰ ᦔᦲᧃ ᦘᦲᧅ ᦃᦳ ᦈᧁᧉ ᦑᧂ ᦜᦻ ᦗᦱ ᦢᦱᧆ; ᦶᦙᧂ ᦡᦱ ᦃᦹᧃᧉ ᦓᦸᧃ ᦅᦸᧃ ᦇᧄ ᦺᦃᧈ ᦓᦲᦰ ᦔᦲᧃ ᦕᦱᧉ ᦙᦳᧂ ᦢᦳᧃ,ᦵᦗᦲᧃᧈ ᦀᧁ ᦂᧂᧉ ᦑᦳᧂ ᦷᦠ ᦶᦠᧂᧈ ᦎᦳᧃ ᦘᦰ ᦈᧁᧉ; ᦐᦴ ᦺᦐᧈ ᦃᦹᧃᧉ ᦑᦱᧂᧉ ᦺᦣᧈ ᦵᦙᦲ ᦀᦸ ᦓᦲᦰ ᦔᦲᧃ ᦘᦰ ᦉᦳᧆᧈ ᦒᧄ; ᦁᧃ ᦞᦱᧈ ᦝᦱᧃ ᦗᦴᧉ ᦃᧁᧉ ᦃᦸ ᦣᦸᦰ ᦺᦣᧈ ᦓᦲᦰ ᦔᦲᧃ ᦘᦱᧉ ᦃᦳᧆᧈ ᦷᦠ,ᦺᦂᧈ ᦵᦏᦲᧃᧈ ᦣᦴᧉ ᦀᦱᧂᧉ ᦔᦳᧅᧈ ᦃᧁᧉ ᦂᧇ ᦷᦏᧈ ᦑᦹᧂ ᦇᦱ ᦓᦲᦰ ᦔᦲᧃ ᦕᦱᧉ ᦑᦲᧆ ᦉᦲ ᦉᦻ; ᦔᦴ ᦷᦜᧂ ᦃᦱᧃ ᦎᦸᧇᧈ ᦒᧄ ᦘᦰ ᦈᧁᧉ ᦓᦲᦰ ᦔᦲᧃ ᦔᦴᧈ ᦈᦱᧃ,ᦓᦸᧇ ᦉᦲᧃ ᧞ ᦂᦱᧁᧈ ᦑᦱᧃ ᦓᦲᦰ ᧞; ᦇᦴ ᦅᦱᧇ ᦵᦃᧆᧈ ᦺᦔ ᦵᦊᧆᧈ ᦑᦲᧈ ᦅᦸᧂᦰ ᦓᦲᦰ ᦔᦲᧃ ᦢᦱ ᦟᦱᧄ; ᦘᦰ ᦎᦲ ᦂᦸᧂ ᦠᦱᧅ ᦶᦓᧃᧈ ᦑᦲᧈ ᦠᦳᧂᧉ ᦓᦲᦰ ᦔᦲᧃ ᦅᦳᧃ ᦏᧁᧉ ᦣᧅ ᦉᦱ ᦉᦲᧃ; ᧔ ᦶᦈᧂᧈ ᦆᦳᧄᧉ ᦙᦲ ᦠᦳᧂ ᧔ ᦷᦎ ᦓᦲᦰ ᦔᦲᧃ ᦘᦲᧅ ᦃᦳ ᦈᧁᧉ ᧔ ᦎᦳᧃ ᦉᦳᧆᧈ ᦵᦢᦲᧅᧈ; ᦔᦱ ᦡᦳᧅ ᦎᧄ ᦃᧁᧉ ᦓᦲᦰ ᦔᦲᧃ ᦅᦳᧃ ᦑᧂ ᦜᦻ ᦠᦱᧂᧉ ᦷᦆ ᦑᦱᧃ,ᦔᦱ ᦗᧁᧉ ᦟᦳᧂ ᦆᦳᧃ ᦓᦲᦰ ᦔᦲᧃ ᦅᦳᧃ ᦑᧂ ᦜᦻ ᦣᦸᧄ ᦢᦱᧆ ᦣᦸᧄ ᦠᦸ ᧞,ᦶᦙᧂ ᦙᦳᧃ ᦺᦟᧈ ᦺᦂᧈ ᦓᦲᦰ ᦔᦲᧃ ᦘᦰ ᦵᦕᧁᧉ ᦵᦵᦠᧂᧈ ᦷᦆ ᦑᦱᧃ。

 (ᦀᦻᧉ ᦀᦳᧃᧈ ᦠᦱ ᦣᦸᧄ)